漁品酸菜魚火鍋放題 (已結業)

聽聞呢間野好掋食， 就專程來到大圍， 入到都算多人， 一點左右坐咗一半枱。下午有個抵食套餐。第一份係肥仔四小食，小食拼盤有竹筍，麻辣去骨雞腳，仲有炸魚腐，同黑松露沙律醬炸蝦多士。 食咗頭兩款，已經開始飽飽地。再嚟咗份刺身，刺身有大大隻嘅生蠔，有帶子，三文魚，總括都很新鮮。主菜係火焰醬爆鑊仔雞，仲要無限追加，味道似辣子雞，漿汁好味，雞入味，有鑊氣。因為口痕再追加了份酸菜魚， 魚肉好嫩，酸菜魚湯底好香，娃娃菜浸完好好味。最後打邊爐要咗個菌香牛骨湯，料很多。 牛肉牛豬肉無限追加，肉嘅質素也不錯。然後還有海鮮打邊爐，包括鮑魚，有蜆，有青口，有蝦，有帶子。 青口仲識關蓋， 仲好生猛。最後值得一提嘅係佢嘅飲品，甜品，任食。雪櫃提供的款項很多。二百蚊一個人的任食， 非常掋。