町町丼丼 (濱海大廈)

營業中

休息中

今晩嚟到間日式丼飯專門店買外賣，呢間嘢係香港同九龍都各有分店。佢哋啲丼飯選擇都好多元化，就連日式小食都有。價錢幾掋，最平四十幾蚊已經有碗丼飯，啱晒住係附近或者係附近返工嘅朋友喇。壽喜燒牛肉鍋配烏冬（$56）- 除咗有肥牛，仲有豆腐、菇、魚豆同好多娃娃菜。壽喜燒汁唔會太鹹，配埋爽滑彈牙嘅烏冬真係必食。泡菜牛肉丼（$49）- 餸同飯分開上，唔怕浸淋啲飯👍泡菜汁用嚟撈飯係食真係一流。手撕雞沙律（$46）- 估唔到咁大份沙律！分兩餐食都仲得～ 啲雞嘅份量真係好多，除咗有新鮮嘅沙律菜外，仲有青瓜絲，好爽口呀。滑蛋香煎雞扒丼（$49）- 滑蛋真係炒得好滑，加埋芝麻更香，而雞扒都煎得好嫩滑，$50蚊都唔洗就有咁豐富嘅飯，好掋食。