影片
更多
2023-01-15
58 瀏覽
為左趕上睇紅葉的尾巴，於是襯週末去濕地公園欣賞披上紅衣的落羽松，順便親親大自然! 行完後就去左T Town行下街，順便食個 Early Dinner先返屋企! 第一次行 T Town 比想像中大，開頭仲以為係屋邨商場，只有超級市場、連鎖快餐店同民生舖頭，但原來都有唔少休閒店舖同埋餐廳，最後就揀左係天水圍都幾出名的日式風味天鳥居酒屋! 入面環境真係似居酒屋格局，都幾有氣氛。由於係居酒屋的關係，Menu上都有好多選擇! 而其中一樣比較特別係「壽司長推介」，通常都係日本新鮮直送的食材，尤其係刺身同埋壽司。由於我對鰻魚情有獨鍾，所以就叫左8吋鰻魚壽司。鰻魚無腥味，醬汁唔會過鹹，唔會蓋過鰻魚本身的味道。由於天氣比較凍，同埋俾串燒的價錢吸引左，所以今次就集中叫串燒，平均三十至四十幾蚊就有兩串，包括鹽燒雞翼、免治雞肉棒、伊利比亞豚肉串。雞翼皮燒得夠香脆、免治雞肉串附送日本蛋黃，加上日式醬汁無得輸、伊利比亞豚肉油分夠重! 另外亦有特別款式的串燒，今次就叫左麻辣魷魚串、秋葵墨魚串同埋牛油芝士燒粟米。最有心思係秋葵墨魚串，佢地將秋葵係中間切開再釀入墨魚膠。最後就叫多個吉列豬扒定食，一上枱就覺得炸豬扒的顏色
入面環境真係似居酒屋格局，都幾有氣氛。由於係居酒屋的關係，Menu上都有好多選擇! 而其中一樣比較特別係「壽司長推介」，通常都係日本新鮮直送的食材，尤其係刺身同埋壽司。由於我對鰻魚情有獨鍾，所以就叫左8吋鰻魚壽司。鰻魚無腥味，醬汁唔會過鹹，唔會蓋過鰻魚本身的味道。
由於天氣比較凍，同埋俾串燒的價錢吸引左，所以今次就集中叫串燒，平均三十至四十幾蚊就有兩串，包括鹽燒雞翼、免治雞肉棒、伊利比亞豚肉串。雞翼皮燒得夠香脆、免治雞肉串附送日本蛋黃，加上日式醬汁無得輸、伊利比亞豚肉油分夠重! 另外亦有特別款式的串燒，今次就叫左麻辣魷魚串、秋葵墨魚串同埋牛油芝士燒粟米。最有心思係秋葵墨魚串，佢地將秋葵係中間切開再釀入墨魚膠。
最後就叫多個吉列豬扒定食，一上枱就覺得炸豬扒的顏色幾鮮艷，炸粉亦夠薄，豬扒肉質夠鬆化，應該唔似係平價豬扒。飯用上珍珠米、仲有紫椰菜沙律、螺肉、麵豉湯同埋蕨餅，簡直係超值之選!
如果大家想係天水圍食野坐得舒適，又要有番咁上下質素又多餸菜選擇的店舖，天鳥居酒屋都絕對係你的首選之一!
張貼
