日悅極尚日式放題 (已結業)

近來朋友講起‘日.悦極上日式放題’在旺角開咗新分店，之前都去過幾次尖沙咀店，覺得質素幾好和比較抵食，所以今次過嚟旺角試吓。去到門口見到價錢比尖沙咀店平幾十蚊一位，仲擔心緊食物質素會否差呢！入座後急不及待先點了一些刺身和壽司，他們還送了一條新鮮立魚刺身給我們，口感鮮甜，而這裏的刺身壽司即叫即做，刺身十分新鮮，本人比較欣賞這裡的劍魚腩刺身，魚油十足，第二是海膽軍艦，海膽鮮甜美味，第三是三文魚籽花之戀，三文魚籽大大粒，分量十足.至於熟食方面，尤其是湯烏冬，湯底非常濃郁，麵條更使用讚岐烏冬，口感彈牙。最後當然唔少得甜品環節，除左有自助區既甜品同生果之外，仲有Movenpick和Haagen-Dazs雪糕(每位一份)，而牛奶公司雪糕任食，本人喜歡Movenpick的雲呢拿味，味道口感軟滑而不太甜，其他甜品也做得不錯，期待下次再約其他朋友一起來食。