影片
更多
2021-04-17
1128 瀏覽
呢間泰式餐廳最正係主食有分大同細，揀細份量可以食下其他小食。.牛肉船金邊粉 $33 望落份量都唔少，雖然牛腩，牛丸同蘿蔔得一件，但肥牛唔少，仲有豆卜，通菜，芽菜等，好豐富。個湯味道有少少似肉骨茶幾好飲。.香辣豬肉碎飯 $39 貴過海南雞飯或者咖喱飯，呢個肉碎飯到底有咩咁勁？我講唔出，但好食既，唔似滷肉飯咁有油香，但肉碎好香口，撈飯唔錯，感覺無咁邪惡。.炸魚皮配冬陰功湯 $26 正喎！炸魚皮好大碗好大塊，唔係比啲碎，而個湯雖然無海鮮，但味道一流，幾辣下，浸炸魚皮食未試過，幾特別。.泰式腐乳通菜 $21，好大碟！雖然望落有少少黃，但食落無渣，腐乳味幾香。.豬肉串燒 $41/3串，餐牌上有個烤泰國山豬肉 $36好似更吸引，店員話前者有沙爹醬，後者口感無咁腍同埋醬烤味道唔一樣，於是叫左有三隻手指公既豬肉串，好食，加埋花生碎口感更豐富，個沙爹醬正！.泰國餃子 $31有四隻，餡料有豬同雞肉，蘑菇，蘿蔔同卷芯菜，煎餃比較香口，外皮少少脆，口感味道唔錯，個醬汁嗒落有啲似泰式辣醬都幾清新。.泰式奶茶 $20 樽裝幾細枝，夠甜，正，但攤凍左唔夠凍就無咁好飲。泰式檸檬茶 $20 係用泰式茶沖，味道同港式唔同
.
牛肉船金邊粉 $33 望落份量都唔少，雖然牛腩，牛丸同蘿蔔得一件，但肥牛唔少，仲有豆卜，通菜，芽菜等，好豐富。個湯味道有少少似肉骨茶幾好飲。
.
香辣豬肉碎飯 $39 貴過海南雞飯或者咖喱飯，呢個肉碎飯到底有咩咁勁？我講唔出，但好食既，唔似滷肉飯咁有油香，但肉碎好香口，撈飯唔錯，感覺無咁邪惡。
.
炸魚皮配冬陰功湯 $26 正喎！炸魚皮好大碗好大塊，唔係比啲碎，而個湯雖然無海鮮，但味道一流，幾辣下，浸炸魚皮食未試過，幾特別。
.
泰式腐乳通菜 $21，好大碟！雖然望落有少少黃，但食落無渣，腐乳味幾香。
.
豬肉串燒 $41/3串，餐牌上有個烤泰國山豬肉 $36好似更吸引，店員話前者有沙爹醬，後者口感無咁腍同埋醬烤味道唔一樣，於是叫左有三隻手指公既豬肉串，好食，加埋花生碎口感更豐富，個沙爹醬正！
.
泰國餃子 $31有四隻，餡料有豬同雞肉，蘑菇，蘿蔔同卷芯菜，煎餃比較香口，外皮少少脆，口感味道唔錯，個醬汁嗒落有啲似泰式辣醬都幾清新。
.
泰式奶茶 $20 樽裝幾細枝，夠甜，正，但攤凍左唔夠凍就無咁好飲。泰式檸檬茶 $20 係用泰式茶沖，味道同港式唔同，唔落糖水個味都有少少甜同澀，加埋有少少青檸味，我幾鍾意！
.
現場見到有勁辣魷魚挑戰，兩分鐘食得晒仲有$200獎金！不過我唔敢試，店員話堅辣，之前有人差啲成功挑戰！食得辣又食得快既朋友有興趣去參戰拉！
.
餐廳環境幾似Cafe，有好多Boardgame（唔知玩唔玩得XD）仲有個唱K系統，牆上有個Screen播住MV，但唔係泰文歌而係國語歌同英文歌！
張貼
