佐賀燒肉谷 (大鴻輝(荃灣)中心) (已結業)

朋友介紹了位於荃灣大鴻輝的佐賀燒肉谷，食店有五個放題套餐，當然價錢越貴，食既牛就越靚啦，A餐係最貴$438，但我地今次選了中價位C餐$368一位，極上牛小排加埋海鮮放題，飲品任飲，仲有甜品食。坐位舒服，用手機下單，入座已經見到有一隻細細地既隔油網比人隔下燒肉滴既油，好細心！坐左一陣就送上一大份燒肉頭盤，職員仲要逐款肉介紹，老實講，D牛肉真心好食，望落色水都新鮮。其他肉類一啲都唔失禮，海鮮類都新鮮，甚至乎連D熟食類都可以令人一叫再叫，尤其是個榴槤炸球，第一啖咬落去，好驚喜，好好食！出去拎飲品，仲發現有個小食區，可以比大家去拿取一些熟食，有燒賣、咖喱魚蛋、螺肉、中華沙律等等，值得一提可以佢地既朱古力雪糕好好味，朱古力味好濃厚，好正。總括而言：環境寬敞、職員服務好、食物又好味，值得大家來食。