馬場洞烤肉專門店 (形點 I) (已結業)

其實我見食評好似好多都評價呢間餐廳係負評，我覺得都要幫佢哋平反吓，我其實之前都食過佢哋沙田分店，質素唔差，今次嚟元朗呢間分店已經兩次，覺得完全唔差，服務員好有禮貌，食物質素可以，係坐位方面就比較窄。我今次嗌咗部隊鍋套餐，其他散叫，套餐仲有沙律炸雞同埋包飲品，炸雞係熱辣辣，外脆入面勁多汁！個芝士泡菜飯勁濃味，加埋拉絲好正！！個部隊鍋其實都幾豐富，啲材料多到就嚟瀉出嚟！另外散叫咗啲肉同醬油蟹，醬油蟹多膏勁甜！抵食！雞翼就反而有啲失望，好乾同好咸。