富園海鮮酒家

營業中

休息中

雖然蒸海鮮都興左一段時間，但今次都只係第二次食。第一次嘅經驗一般，今晚試呢一間開業一個多月嘅酒樓，因為之前朋友食過極力推薦。新開張做緊特價餐以人頭價，有兩個價錢選擇：$198同$298，菜單如下：我哋一行7個大人，其中一個唔食海鮮，所以叫左6份$298，另加3個小菜。先講小菜--1）冰鎮咕嚕肉外脆內暖，好惹味 2）炸蝦個汁甜甜哋，有芒果，炸粉唔厚又唔會好油，隻蝦彈牙冇雪味 3）薯仔炒牛柳粒呢個掛住食唔記得影相 😅一上枱已經聞到好香，食落好惹味，d牛柳粒真係有牛味，正！跟住到主角：有龍蝦（每人半隻）瀨尿蝦 （每人一隻）鮑魚 （每人一隻）蟶子 （每人一隻）馬刀貝 （每人兩至三隻）帶子 （每人一隻）龍躉片 （每人兩至三片）雞件 （每人三至五件）肥牛 （每人三至四片）手打墨魚丸、蝦丸、凌魚球、豬肉丸 （每人各款一粒）雜菜（有粟米、南瓜、金菇、白菜仔、生菜、娃娃菜、菜心）所有食材都好新鮮同洗得好乾淨，性價比高 重有個湯底，可以揀粥底，杏汁豬肺湯底，燉湯底，同清湯底。我哋揀左豬肺湯底，一開始時一人飲左一碗湯，跟住d湯渣放蒸鍋底加湯，食晒所有嘢時d精華落晒d湯度又再飲多幾碗湯，真係好好味 甜品叫左椰