影片
更多
2022-07-20
838 瀏覽
今天與女朋友由沙田開始踩單車，到左大埔開始覺得有啲肚餓，想食下西餐，就上網搵下食邊間。見到呢間唔算貴，野食睇落質素都唔錯就揀左呢間。今日星期三，係晚上七點半左右打左電話問下有冇位，店員都話有位，咁就去試下。朱古力碎粒沙冰 評分：4.5/5朱古力味都幾重，飲落又有少少細朱古力粒既咬口，幾有趣。 野食就叫左蒜香白酒蜆肉意粉同埋大菇牛肉芝士漢堡。蒜香白酒蜆肉意粉 評分：3.5/5略嫌太多水，味道唔夠濃郁。不過蜆肉都夠飽滿亦沒有沙，值得加分。大菇牛肉芝士漢堡 5/5大啡菇味十分之濃郁，而且十分之多汁，加上有芝士煙肉蕃茄等配料令味道昇華。牛肉夠厚夠juicy，鍾意重口味啲嘅朋友可以再加多啲茄汁。漢堡本身跟咗薯條，一個人食都夠飽肚👍🏻黑松露薯條 4/5黑松露味足夠，不過薯點略嫌有一點油膩味亦不夠香脆可口，但整體味道不錯。叫咗以上四樣嘢連加一，埋單是239元。性價比頗高，再次途經大埔時會考慮再吃🤤
今日星期三，係晚上七點半左右打左電話問下有冇位，店員都話有位，咁就去試下。
朱古力碎粒沙冰 評分：4.5/5
朱古力味都幾重，飲落又有少少細朱古力粒既咬口，幾有趣。
野食就叫左蒜香白酒蜆肉意粉同埋大菇牛肉芝士漢堡。
蒜香白酒蜆肉意粉 評分：3.5/5
略嫌太多水，味道唔夠濃郁。不過蜆肉都夠飽滿亦沒有沙，值得加分。
大菇牛肉芝士漢堡 5/5
大啡菇味十分之濃郁，而且十分之多汁，加上有芝士煙肉蕃茄等配料令味道昇華。
牛肉夠厚夠juicy，鍾意重口味啲嘅朋友可以再加多啲茄汁。
漢堡本身跟咗薯條，一個人食都夠飽肚👍🏻
黑松露薯條 4/5
黑松露味足夠，不過薯點略嫌有一點油膩味亦不夠香脆可口，但整體味道不錯。
叫咗以上四樣嘢連加一，埋單是239元。性價比頗高，再次途經大埔時會考慮再吃🤤
張貼
