曼谷食堂 (已結業)

銅鑼灣想食泰國菜其實選擇好多，個人比較推薦曼谷食堂，性價比高，地方就腳（喺利園附近），同朋友傾完業務就落樓食dinner，輕鬆暢談兩位女生的事業發展。鹵水豬手金邊粉，個湯好甜好好味！分量剛剛好，不會過份飽。蒜蓉炒椰菜苗，呢個分量超少，完全唔值$64蚊呢個價錢。泰式燒豬頸肉（$50）好入味，豬頸肉咬落有嚼勁唔霉，分量都好合理。老實說，銅鑼灣泰國菜有總統戲院樓上，各大商場內都有唔少價錢中上既選擇，如果想平平地食一餐泰國菜，不妨選擇曼谷食堂啦！有樣搞笑事同大家分享，店員抹檯時，唔知係咪忘記了我地坐緊喺度食飯，抹得好起勁，我地檯上既送猶如經歷地震咁不停抖動，好彩D湯唔係好滿，但就同朋友對視而笑左好耐！希望店員可以留意下啦哈哈！