醉翁亭火鍋館 (已結業)

又黎到觀塘搵下有咩好野食😳突然想食火鍋，就上網搵下有咩好介紹，見到醉翁亭好似幾吸引就黎試一試！去到門口8:50左右，職員就建議我地等一等，原來佢地9點係宵夜時段，有8折優惠😍超級nice去提醒我地，咁我地就係外邊坐一陣，好快就安排我地入座。佢地係雞煲加海鮮火鍋，仲要任飲任食！坐底立即送上新鮮海鮮一盤！然後就放底左雞煲，份量多，肉質鮮美，唔算太辣，中意辣既朋友可以叫辣d，或者佢都有辣椒配料俾你自己加。食完雞煲就加水打邊爐，無諗過兩個人任食都會俾咁大盤牛肉😭真係良心店鋪，仲要每件都好平均，用心制作！最後聽到隔離大枱由我地坐低前叫野食叫到我地走都仲叫緊，我地己經飽到上心口啦🤣