天后站清湯腩

營業中

休息中

同老公睇完戲，見有啲肚餓，諗住隨便搵個地方食啲野，行到寶盈花園附近見到一間粉麵店，聽講都幾出名，咁就試下喇！ 店舖地方唔大、較細，座位狹窄，衞生情況一般，水要自己出去酙，但食物味道唔差。墨魚丸河粉粒粒墨魚係裡面，口感爽彈，屬正常水平，未算有太大驚喜。炸魚皮炸魚皮亦非常之正，不但份量足，好大份，而且炸得十分酥脆，食完一塊又一塊，咬落脆卜卜，夠乾身又唔油膩，味道亦唔算鹹，好似薯片咁又薄又脆，無論就咁食定係浸湯食都一流。清湯沙腩米粉第一時間就飲一啖湯，飲落幾香嘅牛骨湯，湯底以新鮮牛腩+牛骨以及其他配料制成。然後又夾咗一舊沙腩，肉味濃郁，肥瘦均勻，入口鬆化，油香味濃，脂肪同肉質分佈好平均，牛肉上下夾住層脂肪，口感亦比一般牛腩多層次，整體上唔錯，份量就同一般嘅牛腩麵差唔多，有機會一定會再嚟試。