越一越南牛肉粉專門店 (已結業)

去左黃大仙探朋友，發覺原來鳳凰新村好多野食，朋友就推介越一越南牛肉粉，話價錢抵， 食物質素好同大大份， 性價比好高。 呢道環境好光猛闊落，我地叫左個2人軟殼蟹套餐。 原價$248已經好抵食，仲要禁岩7週年仲有85折優惠。 份量係3人食都夠食😆。越式牛油軟殼蟹，黎到嘩左聲，估唔到2人份量咁大份，軟殼蟹口感酥脆，牛油味香濃，蟹肉鮮甜鮮嫩，真正外脆內嫩。值得一試！酸辣無骨鳳爪：無骨鳳爪食時好方便😆 酸酸甜甜好開胃，芹菜味好重，好食。上湯蘿蔔食完炸物，清甜蘿蔔可以去膩👍🏻分別叫左生牛肉河粉同牛油蒜蓉雞翼河粉🍜生牛上菜時色澤吸引，薄切食落肉質鮮嫩，而雞翼外酥內嫩，河粉湯底好清甜，配料豐富，有齊新鮮豆芽、香菜、薄荷葉、生洋蔥等，好豐富。