燒烤堂

營業中

休息中

完咗比賽，梗係可以放肆咁食少少，今日就嚟咗位於旺角通菜街嘅燒烤堂，感覺上食串燒都係原形食物多，我哋點咗好多唔同嘅串燒，值得推介一定會係佢個焦糖青蘋果鵝肝多士，本身個鵝肝已經好厚切，入口即溶，再配返個青蘋果喺中間，又唔怕好油膩，仲好清新爽口，再配埋個燒到脆卜卜，熱辣辣嘅多士，將幾樣食材配埋一齊，又甜又香又脆，好有層次感日本岩鹽燒廣島蠔，本身鋪滿晒蒜蓉蔥花，但係又唔會好油，隻隻蠔都本身好肥，咬口仲要勁Juicy，鮮味十足，一路食一路爆汁，必定encore之選皮蛋豆皮呢個真係素食都可以選擇，豆皮燒到好香，入口煙煙韌韌，再食落去發覺好有驚喜，包住係啲皮蛋碎，再配返香濃芫荽。芫荽控必選雞皮墨魚滑墨魚滑就試得多，今次係混合埋雞皮，呢度啲燒雞皮都係好出名，今次再添埋墨魚滑，簡直係味蕾雙重享受鹽燒原塊雞皮原片上嘅鹽燒雞皮，好似隻風箏咁樣，燒到薄脆香口，而且唔會好油膩，送酒一流整體呢一度都好值得推介，今次同媽媽一齊黎行完街再食少少嘢，老人家都覺得啱食，佢鍾意呢度嘅燒和牛，同埋鰻魚炒飯，下次會再同佢嚟食過❤️❤️