影片
更多
2019-01-30
248 瀏覽
自從冇喺九龍東返工都少咗去觀塘，因為嗰邊嘅人口密度真係太高啦，而且仲未比我搵到一個必去嘅理由😂apm人太多有排等位，工廈餐廳又太格攝，於是就openrice下係附近搵到間口碑不俗嘅餐廳。餐廳佔地幾大，所以夜晚八點幾去到即刻可以入座。沙律吧任食，係比較大路嘅沙律菜、車厘茄、生果等，作為開胃前菜很不錯啊！餐湯有雜菜湯加牛油麵包，好有傳統扒房嘅味道😌主菜叫左原隻豬手配薯角，仲有自家製海膽汁海鮮意粉，二人同享，份量啱啱好🤟🏻豬手唔會太鹹，size剛好，一人一隻唔洗爭😂肥瘦算合適，食落有咬口，連皮食有微微黑椒煙薰味，成個味道同口感都做得幾好🥳意粉烹調得同樣出色，唔好睇佢面頭冇海膽就以為會淡而無味，其實個汁已經因為加左海膽汁而提鮮👍🏻海鮮配料都好闊佬，有藍青口、蜆肉、魷魚等等..仲有隻煎過嘅大蝦添！真係唔野少㗎😎大餐後配埋兩杯花茶，正好消除油膩嘅飽肚感。餐廳近近地鐵站，不失為下次同九龍東嘅朋友飯聚好地方🙊
沙律吧任食，係比較大路嘅沙律菜、車厘茄、生果等，作為開胃前菜很不錯啊！餐湯有雜菜湯加牛油麵包，好有傳統扒房嘅味道😌
主菜叫左原隻豬手配薯角，仲有自家製海膽汁海鮮意粉，二人同享，份量啱啱好🤟🏻
豬手唔會太鹹，size剛好，一人一隻唔洗爭😂肥瘦算合適，食落有咬口，連皮食有微微黑椒煙薰味，成個味道同口感都做得幾好🥳
意粉烹調得同樣出色，唔好睇佢面頭冇海膽就以為會淡而無味，其實個汁已經因為加左海膽汁而提鮮👍🏻海鮮配料都好闊佬，有藍青口、蜆肉、魷魚等等..仲有隻煎過嘅大蝦添！真係唔野少㗎😎
大餐後配埋兩杯花茶，正好消除油膩嘅飽肚感。餐廳近近地鐵站，不失為下次同九龍東嘅朋友飯聚好地方🙊
張貼
