東京站日式小食餐廳 (已結業)

和朋友經過口痕，見到十蚊底雞蛋仔C9心態便買來試試。現在香港還有十蚊一底雞蛋仔好難得💪咖啡朱古力雞蛋仔👌新鮮出爐滾熱辣，拿上手暖呼呼。但只求其用風扇吹了了兩下，所以軟淋淋，口感飽滿似朱古力蛋糕鬆餅，但係都幾抵食。👍落朱古力粒都幾重手，份量多👎朱古力粒分佈不平均，有啲邊邊位冇甚至空心，不過 $10朱古力夾心雞蛋仔算係咁啦。👎咖啡味聞落去有，但食落去冇。見幾多人買去貨都去得幾快，下次都係直接買佢放喺上面嗰啲，可能比較脆🤔抹茶味雞蛋仔朋友認為抹茶味不算太甜，幾脆挺好吃都有少少抹茶味回甘，但是小妹身為抹茶控表示濃度不滿意。😋如果下次再經過冇加價的話就試下原味或者雙重朱古力味。😓阿叔用手起雞蛋仔，同一隻手接錢，然後起另一底雞蛋仔，衛生有待改善。