金牌小龍 (已結業)

喺尖沙咀食晚飯，搵到呢間喺isquare，而且價錢仲要唔算好貴嘅中菜～酸辣湯—基本上係每次食親中菜都必點🤣辣度適中，但唔算好酸；裏面嘅材料非常豐富，有豆腐、木耳絲、肉絲等等。紅燒牛三寶麵— 有牛𦟌、牛筋同牛肚，湯式牛味濃郁，味道有少少辣，麵質同平時食開嘅唔同，比較粗身，所以食完麵幾飽肚👍🏼蟹粉小籠包— 湯汁多，而且新鮮蒸起。但若果蟹粉落多少少，味道會出啲，會更加好味～瑤柱菜粒蛋炒飯—非常推介呢道菜！炒飯嚟講唔算油，粒粒分明；而且瑤柱嘅鹹味能帶出啖啖嘅香味，食完好有滿足感😆😆最後嗌左個雞燉湯，將雞嘅味逼哂出嚟，好清甜，啱哂我呢啲唔係成日食住家飯嘅人！