德家日式燒肉店 (已結業)

上星期疫情仲未再次爆發，夜晚上到去都有好多人等位，所以都係建議book左枱先。價錢有幾個選擇，我揀咗最平$198 +1 ，限時兩小時。環境方面，我坐嘅係卡位，非常寬敞，如果係普通四人枱嘅話可能就冇咁舒服。食燒肉除咗要好食之外最緊要就係抽風得唔得，呢度都算唔錯，起碼唔會覺得唔舒服。服務方面，店員都有禮親切，會慢慢介紹有邊幾個套餐可以揀。食物方面，選擇比較少，但係質素唔錯，絕對對得住呢個價錢。個人推介牛舌，牛肋肉，豬頸肉。👍🏻👍🏻餐後每人一杯雪糕🍦另外出邊都會有幾款甜品，都係一般放題嗰啲蛋糕仔泡芙，不過大部份時間個櫃比較好食嘅泡芙都係吉嘅。總括而言二百幾蚊，有呢個環境同食物質素已經相當唔錯。