意粉狂熱 (皇室堡) (已結業)

之前見到旺角個間排長龍，一直都未食過，今次就係OpenRice book左星期六夜晚黎食，黎到唔多人，大約7點開始多人要等位，坐底左就可以手機落單，水都係自己斟，但呢間野要加一，有d唔抵。食物方面就幾抵食，基本上冇一款意粉係過$100，於是叫左鮭魚忌廉意粉$78，三文魚有4-5片，份量都夠一個人，忌廉好濃好香，意粉比較幼身，另外叫左個照燒雞pizza $48，呢個係細size，大size 10吋 $88，細size 都幾細，只係切都3塊，不過照燒雞幾好食，好日式。整體來講，性價比高，就算唔散叫，2人套餐都只係$228，下次再幫襯。