影片
更多
2021-12-05
998 瀏覽
一開𨋢門就有前台小姐有禮嘅招待，第一感覺係裝潢簡約不失高尚，設計師都應該花咗啲心思👍🏾恰巧店舖嘅靚靚老闆娘都喺度，安排咗一個卡位俾我哋一行四人，坐位濶落，枱與枱之間亦有適當距離，唔會感覺好迫，每枱客人都有各自嘅comfort zone，最起碼我認為係咁⋯⋯點菜到出餐嘅時間適當，唔會好快一次過上哂啲菜迫哂喺枱，亦唔會吉住枱面期待下一道餸上枱嘅場面服務員有禮，招呼係十一分恰當，基本上有求必應，對比近呢幾年去過嘅酒樓，呢間嘅服務真係非常罕有，唔會好似其他酒樓啲侍應咁，一係叫極冇人理、一係就金精火眼𥄫實你嗰枱喺咁走埋嚟、亦唔會好hard sell啲餸菜，呢度完全滿足到你用餐時嘅私人空間，值得點讚每個人嘅經濟背景唔同，對於我嚟講價錢唔屬於平民價，不過價錢反映質素，我自己就覺得性價比高，因為好足料，重質亦重視烹調方法，每款食品都各具特式，唔會因為有高材就失去咗嗰份創意值得一提嘅係Gordan Ramsay成日喺Kitchen Nightmare話啲侍應唔熟餐牌，喺亞洲地區嘅香港竟然遇到可以滿足Gordan Ramsay嘅服務員S，唔知係老闆對佢嘅員工有呢啲特別要求定本身員工對自己份工嘅熱愛，我隨便
恰巧店舖嘅靚靚老闆娘都喺度，安排咗一個卡位俾我哋一行四人，坐位濶落，枱與枱之間亦有適當距離，唔會感覺好迫，每枱客人都有各自嘅comfort zone，最起碼我認為係咁⋯⋯
點菜到出餐嘅時間適當，唔會好快一次過上哂啲菜迫哂喺枱，亦唔會吉住枱面期待下一道餸上枱嘅場面
服務員有禮，招呼係十一分恰當，基本上有求必應，對比近呢幾年去過嘅酒樓，呢間嘅服務真係非常罕有，唔會好似其他酒樓啲侍應咁，一係叫極冇人理、一係就金精火眼𥄫實你嗰枱喺咁走埋嚟、亦唔會好hard sell啲餸菜，呢度完全滿足到你用餐時嘅私人空間，值得點讚
每個人嘅經濟背景唔同，對於我嚟講價錢唔屬於平民價，不過價錢反映質素，我自己就覺得性價比高，因為好足料，重質亦重視烹調方法，每款食品都各具特式，唔會因為有高材就失去咗嗰份創意
值得一提嘅係Gordan Ramsay成日喺Kitchen Nightmare話啲侍應唔熟餐牌，喺亞洲地區嘅香港竟然遇到可以滿足Gordan Ramsay嘅服務員S，唔知係老闆對佢嘅員工有呢啲特別要求定本身員工對自己份工嘅熱愛，我隨便問咗1個侍應同相信1個係經理級嘅人員關於餸菜嘅問題（因為我女友非常揀飲擇食，亦對部份食材會過敏），佢哋可以不經思考即刻答到你嗰款菜係有啲咩喺入面同埋佢嘅烹調方式，呢個係另1個驚喜
過橋象拔蚌
19 瀏覽
0 讚好
0 留言
過橋象拔蚌（雞燉翅湯底）
19 瀏覽
0 讚好
0 留言
鮑魚玉掌
24 瀏覽
0 讚好
0 留言
唔知咩斑😅 + 拔絲生炒骨/蜜椒骨
15 瀏覽
1 讚好
0 留言
脆皮豬手
26 瀏覽
0 讚好
0 留言
欖菜四季豆
26 瀏覽
0 讚好
0 留言
蟲草花蛋炒帶子
21 瀏覽
0 讚好
0 留言
芒果布甸
26 瀏覽
0 讚好
0 留言
張貼
