極之雞煲烤魚涮涮鍋 (已結業)

平日晚市直接Walk-in估唔到有驚喜。雞煲調味唔錯，仲可以添加，係份量少啲，可能預我哋之後打邊爐～今次㨂咗少辣，好入味。打邊爐用QR code點肉類，質素就一般，呢個價錢唔好諗住有咩頂級牛肉，脆鮠魚片都有啲腥。自助飲品區同食品區都夠多選擇，有熟食，有茶葉蛋！ 火鍋料區有好多丸同麵類😂 仲3個雪櫃俾我哋任攞嘢飲，仲有啤酒！係拎嘢食嘅位置窄啲，如果滿座應該會幾迫。反而枱與枱之間都有足夠距離，傾偈唔怕隔離聽到，係驚啲人攞嘢食會撞埋嚟多啲。而家仲有折，平日晚市呢個價錢已經好好。