深屋

營業中

休息中

自從隱屋、熊屋那些高質日本餐廳結業後，在將軍澳想找間食日本菜小店都比較難。深屋絕對係一間性價比很高的日本餐廳，我已經是第三次幫襯了。但唔知點解每次幫襯都比較少食客，這間店的食物價錢一定不比壽司X、元X貴，有些仲會平啲添，而且質素一定要比那些連鎖店差，希望大家可以多啲支持小店。咁我講返啲嘢食先。我同友人叫咗個什錦魚生沙律、帶子裙邊、玻璃蝦壽司、希靈魚壽司、帆立貝壽司、火焰三文魚腩壽司、四式火焔三文魚壽司、鹽燒左口魚壽司、鰻魚壽司、蟹膏軍艦、火焔芝士炸蝦卷同一支白酒。我諗這裡提供的什錦魚生沙律係我印象中以這個價錢最足料、最大份既沙律，魚生係好新鮮的，好抵食。帶子裙邊好爽口、所有壽司都好新鮮、鹽燒左口魚壽司入口時充滿魚油，很是滿足。炸蝦卷不會很油，而且啲蝦上枱是係熱的, 證明是剛剛炸起的。