村爺爺龍蝦湯.泡飯.燉湯專家

營業中

休息中

俾人呃得太多，今次喺村爺爺食到真係有半隻雞，有大量花膠，仲要$68就食到嘅雞煲翅確實好驚喜，湯底仲要好香雞味，頓時明白點解晚晚呢度都排哂長龍😧！除咗雞煲翅令我好留戀之外，呢度嘅龍蝦湯泡飯都非常足料（講緊就算我淨係叫咗龍蝦湯底，無加原隻龍蝦，湯底都好濃龍蝦味，仲俾我數到入面有超過20粒蜆肉同青口😭😍），真係淡淡食到海鮮㗎🤤！所以真係唔好以為平嘢無好嘢，村爺爺就係一個好例子，抵佢日日都座無虛席。