影片
更多
2017-05-28
106 瀏覽
一直以嚟都好喜歡食川菜，但係平時去開嘅菜館動輒消費都三幾百起跳。聽聞銅鑼灣金鳳附近有間新開嘅川菜館，入面嗰廚師仲係嚟自成都嘅，於是 Call 埋班食開辣嘅同道中人，一行七人去開餐。餐廳以三國演義做主題，菜式名字用咗唔少三國故事名做命名之外，連茶杯都係用仿古高腳杯，幾有特色。冷盤叫咗蒜泥白肉同口水雞，蒜泥白肉個辣響中間嗰團白色嘅蒜泥度，一咬落口有青瓜有肉唔覺辣，但係當蒜泥留響口腔，就感覺到陣陣辣味。口水雞嘅雞係用春雞，相對比較細隻，不過雞肉嫰滑，小小哋當點心。食川菜唔食水煮嘢總會覺得差少少，所以首先叫咗水煮桂魚片同水煮牛。第一轉，兩個辣度都係普通嘅。一般嚟講，香港嘅川菜館都會遷就香港人口味，將辣度下調，普通即係下調後嘅辣度。水煮湯汁內有薯粉、芽菜、青瓜，水煮魚嘅魚食落有少少麻，但係唔太辣。相反水煮牛嘅牛肉就好入味，而牛肉汁又滲到落個水煮汁度，令成道菜更好味。食完第一轉普通辣度嘅，立即同侍應話要追加。全台人一致通過要追加水煮牛，中辣。另外由於水煮牛入面嘅薯粉太好味，所以要求加底（加多 $32）。呢個時候侍應仲講笑話，你要加乜都得，午餐肉都得。不過我哋當然唔會糟蹋呢份咁好食咁有水準嘅水煮牛啦
餐廳以三國演義做主題，菜式名字用咗唔少三國故事名做命名之外，連茶杯都係用仿古高腳杯，幾有特色。
蒜泥白肉
$88
11 瀏覽
0 讚好
0 留言
招牌口水雞（半隻）
$198
14 瀏覽
0 讚好
0 留言
冷盤叫咗蒜泥白肉同口水雞，蒜泥白肉個辣響中間嗰團白色嘅蒜泥度，一咬落口有青瓜有肉唔覺辣，但係當蒜泥留響口腔，就感覺到陣陣辣味。口水雞嘅雞係用春雞，相對比較細隻，不過雞肉嫰滑，小小哋當點心。
水煮魚
$268
13 瀏覽
0 讚好
0 留言
一般嚟講，香港嘅川菜館都會遷就香港人口味，將辣度下調，普通即係下調後嘅辣度。
水煮湯汁內有薯粉、芽菜、青瓜，水煮魚嘅魚食落有少少麻，但係唔太辣。相反水煮牛嘅牛肉就好入味，而牛肉汁又滲到落個水煮汁度，令成道菜更好味。
水煮牛肉
$168
11 瀏覽
1 讚好
0 留言
平時響香港食開川菜，埋單每人三幾百起跳，不過今次收到張帳單認真驚喜，七個人食咗咁多嘢，每人圍起只係 $230。性價比咁高，值得推薦，我哋全台人都話一定會再返去挑戰大辣。
張貼
