九町屋 (已搬遷) 新店位置

朋友介紹北角小食店一開始話又平又好食我都唔信 因為過咗海冇可能點知真係勁好食又抵食 首先叫咗個炸芝士小食 佢就唔算係有拉絲嗰隻但係佢係有流心 老闆介紹真係唔錯另外再嗌多咗個帶子腸 聽個名以為真係腸仔 原來唔係都係帶子嚟嘅 不過就真係幾好食佢嗰啲醃料醃得幾好呢個都係老闆推介嘅係一個煎餅飯 佢有少少似平時日式串燒嘅燒飯團 然後佢個蟹柳都好出色因為佢中間係芝心另外我再叫多咗一個牛肉壽喜燒 我覺得都係同平時食嘅水準係一樣嘅咁個飯係要讚係真係用日本米所以有意外嘅驚喜總括嚟講呢間嘢係又抵又好食嘅因為佢其實晚市來講佢五十幾六十 一個飯真係抵食 小食都只係廿幾三十蚊所以會再返嚟食