Sow by Loft 7 (已結業)

午餐套餐有$88至$168不等，已經包前菜湯或咖啡，一個主菜同埋飲品。食物質素非常高，所有餐具亦都非常精緻。絕對係中上環區午餐嘅好選擇。餐廳環境亦都非常之好，由於人客不太多，絕對係傾偈嘅首選。意粉微辣非常惹味。南瓜意大利飯亦係超出預期。我哋亦都加咗錢叫咗兩個甜品。火焰火山非常大份，亦都好有儀式感。另外一個係crème brûlée, 連同開心果雪糕，非常好食。餐廳有兩層，地下嗰層有好大個長枱，可以同時容納10幾人。公司一班人食飯就最啱啦。