鳴虎石頭燒 (已結業)

呢晚響土瓜灣食飯，住喺附近嘅朋友介紹咗呢間日式小店。除咗燒肉，仲有壽喜燒、拉麵同串燒等等，種類好多。我哋兩個人點咗個壽喜燒二人餐（$298），入面有M5和牛、北海道豚肉、野菜菇菌、日本蛋，另外加$20要埋烏冬。首先壽喜燒湯底好甜，入面有大量嘅野菜同菇菌，索曬湯嘅甜味，真係好正。M5和牛分量十足，入口充滿牛味，肉質鮮嫩。北海道豚肉帶少少油脂，但唔會過份油膩，擺盤亦相當靚。烏冬好滑，入口煙韌，配埋高質嘅湯底，真心好味。小店環境舒適，佈置好有日式感覺，見其他食客點燒肉，望落質素唔錯，下次可以試吓。