喜亭軒

營業中

休息中

難得聽日唔使番早，今晚特登約咗朋友嚟呢間新開嘅餐廳打邊爐，放題任食，盡情吹水。火鍋放題(一至四) $288宮廷香辣走地荔枝雞煲我本身唔係太食得辣，就叫咗唔辣，就算係咁雞都好夠味，啖啖肉，又夠滑。食完雞煲加咗兩個湯底，一邊豬骨湯另一邊係花膠胡椒湯。雖然兩邊湯底味道差唔多，但係都好濃好夠味，仲好足料添，有大大舊豬骨同花膠!海鮮盛盤超豐富，有齊蟹，鮑魚，扇貝，墨魚仔，魚塊，青口，蝦同魷魚。宜家已經好少放題火鍋會連埋雞煲同海鮮拼盤，二百幾蚊包咁多樣野認真性價比好高。美國SRS黑毛和牛睇樣都知有番咁上下質素，果然食落真係好夠牛味，又夠腍，好食過一般肥牛好多。食咗咁多肉同海鮮，當然要有蔬菜中和下，都有好多選擇，生菜，娃娃菜，金茹，冬菇…最後梗係有甜品，雪糕杯就一人一盒，雪條任拎，食到棒住個肚走。