相馬日式火鍋 (已結業)

又到食大閘蟹嘅季節🍁，相馬日式火鍋而家做緊任食大閘蟹海鮮火鍋放題🦀。仲要價錢唔貴，即刻捉埋老公咁去刷餐勁嘅！首先係享用胡椒花膠雞湯🍜。湯底有好濃郁嘅胡椒雞味🐓，完全食得出用咗勁多材料去煲。最緊要係有好多花膠🐟係入面。全部都大大嚿😋。絕對係補身嘅湯水！跟住就係食大閘蟹🦀。 大閘蟹🦀水準非常高。啲蟹膏🦀多到爆曬出嚟。而且蟹🦀味好濃郁。食到我同老公舔舔脷😋食完大閘蟹之後，就到蒸海鮮鍋🍲。兩個人嚟，餐廳仲會送開邊琵琶蝦🦐，除此之外，我哋仲叫咗🦪帶子同🐚灰蜆。琵琶蝦鮮甜爽口，帶子嫩滑美味，灰蜆爽彈多汁。滋味無窮！最後就係打邊爐🍲，我就叫咗最愛嘅雞腿肉🐓。雞腿🍗嫩滑多汁。而且湯嘅胡椒味令到雞腿肉嘅味道更加提升。一定要食！