湘川滬 (+WOO嘉湖二期)

營業中

休息中

天水圍坐得舒服既中餐館比較少，呢個係環境較好既一間，而且食物價格穩定，大時大節都唔會加價或只係得貴價套餐，所以係屋企人飯堂之一。四川擔擔麵（$52）係必點菜色，大大碗，麵質幼而彈牙，川椒味加上花生及肉碎，非常惹味。辣子雞（$78）雞粒份量多，唔使辣椒中搵雞，炸粉厚度適中，微辣。肉末茄子（$65）汁比較濃稠，茄子冧而入味，撈飯一流，但油份比較多。小籠包（$42）包裡面既湯汁好多，而且夠熱，但底部皮太薄，容易穿。臭豆腐（$68）外脆內軟，熱辣辣，細長條容易入口，加甜醬辣醬食，正過街邊果d。上海粗炒（$78）好大碟，加左好多包菜一齊炒，有鑊氣，3、4個人share來食最啱。