Eiffel Bistro (已結業)

新年新開始，2024年第一日返工就去食餐好嘅！去咗充滿法國風嘅Eiffel Bistro食lunch，環境優雅。同事同我都點咗set Lunch，已包前菜、主食同飲品。見到沙律都幾特別，有雞心豆、橄欖同燈籠椒，食落好開胃。另外嘅忌廉香草意大利青瓜餐湯都好清新，仲可以用嚟配法包食。主食其實每款都好吸引，但我哋兩個都鍾情於牛扒，所以忍唔住都係叫頂級牛腹扒🤭 主廚完美控制到我哋點嘅medium rare要求，一睇顏色就知道perfect，外面煎得香而內裡肉質稔！薯條分量一啲都唔少，好彩有沙律菜🥗中和返🫢本來想叫埋蛋白檸檬撻，但今次太飽啦，都係留返下次再encore☺️