竹串日本料理 (已結業)

係銅鑼灣食飯其實好多選擇，但一係就好多人排隊，等位等好耐，一係就價錢偏貴。今日有朋友介紹呢間主打食串燒既日本餐廳，性價比幾高，一於就試下。午餐有好多選擇，刺身、壽司都有，但既然呢度係主打串燒，點可以唔試下個串燒套餐。印象中有牛舌同銀雪魚揀，我最中意牛舌，加上平少少，於是揀左牛舌。除左主食，仲有日本餐廳必備既麵豉湯同埋沙律，仲有一個小食墨魚。值得一提係全部串燒都係即刻燒既，熱辣辣之餘感覺好正！總共有5,6款串燒，除左牛舌，其他例如豚肉都好正，連翠肉瓜都燒得好香口。呢間串燒店我相信係銅鑼灣其中一間性價比極高既餐廳，之後應該會經常黎食。