御石燒 (已結業)

餐廳環境乾淨裝修日系，坐得幾舒服。Menu 上除咗石燒燒肉外，仲有定食同鍋物。呢度主打石燒牛，咁就試下佢啦。御燒極上級吉列牛 配白飯 佢既份量都幾多，仲要每一塊既吉列牛都好厚身，所以咬入口啖啖肉，牛味都好足夠。石板夠熱，所以啲牛都可以好快燒得熟，同自己可以控制生熟嘅程度。啖啖肉再配上白飯，係幸福嘅感覺。御燒特級牛小排 配 椰菜絲沙律特級牛小排呢一個份量都係好慷慨，就算男仔食都一定滿足。個人比較鍾意食呢個牛小排，雖然佢薄身過吉列牛，但係佢嘅脂肪平均啲，牛味會再出啲。除咗白飯之外，仲可以配上椰菜絲沙律，生酮飲食嘅朋友都啱晒呀。