泰海鮮 (已結業)

我都係第一次俾好評，真係不得不讚。聽人講左好耐去屯門食海鮮，我哋一群12人去咗三聖邨，冇人識揀海鮮，直接去左間叫泰海鮮既餐廳，叫waiter搞掂，原來黃秋生都推介過呢間餐廳。職員幫手揀咗啲聖子、扇貝、海蝦都好新鮮，因為好新鮮，所以白灼同清蒸都好鮮味。條魚好大條，龍蝦手掌咁大隻，第一次見。12人一圍都係三千幾蚊，真係好抵！以為咁大間舖唔使預約，點知都要等位，下次要早啲打嚟預約定，唔約未必有位。隻芝士龍蝦真係好經典，個個都拎起影相，一世人點都要嚟食一次，下次會再嚟。