The Backstreet Kitchen (已結業)

第二次黎食😋一樣keep住水準！上一次黎食已經係半年前，上次等左1個幾鐘先入得，今次特登早啲黎，6點黎到唔洗排隊就有位喇～今次依然係食石燒吉列牛小排同石燒一口牛肋肉🐮配左定食，有橫町飯、豆腐蕃茄湯同溫泉蛋。主菜當然係牛肋肉喇！牛味重，肉又嫩，正👍🏻個人建議要加配定食，湯幾好飲，溫泉蛋可以用黎撈飯～吉列牛小排脆卜卜真係好正😋外脆內嫩～第一次食的話，建議食吉列牛小排，覺得比牛肋肉更正！仲叫左杯青蘋果青檸梳打，幾清新既感覺。整體黎講，呢間既石燒牛🐮真係一流！性價比高，仲要唔洗加一👍🏻👍🏻 唯一缺點係餐廳環境比較窄。不過真係好好食，下次會再黎～