極尚大喜屋 (加連威老道) (已結業)

食放題梗係要食貴價野先值回票價，呢度淨食刺身都抵呀。三文魚、吞拿魚都幾鮮味，厚薄適中，另外甜蝦都幾大隻，又鮮甜，赤貝、北寄貝亦唔錯，賣相靚仔。推介帶子同油甘魚，兩者都好鮮甜，唔點醬料都好正，如果帶子厚身d就無得彈喇。壽司嘅賣相同味道都唔錯。三文魚腩壽司入口即溶，食不停口。海膽味香濃可口，沒有腥味，我地encore 左多次。壽司紫菜很脆口，整體軍艦口感豐富、有層次。亦欣賞每件壽司細細件，不會食到太飽，又可以試多些不同的口味。熟食中比目魚亦係必食嘅，魚皮燒得香脆 ，肉質超滑，配上沙律醬，好味道！其實呢度食選擇多，食物質素高，我地淨係掛住食，好多都無影相。朋友已經約緊下次放假要番黎encore。