金屋泰國菜館

營業中

休息中

泰國菜都算係港人喜愛嘅美食之一，差不多每區都總有一間泰國餐館，荃灣亦唔例外呢晚就嚟到呢間位於荃新天地附近嘅泰國菜館，地點唔太難搵。餐牌上食物選擇好多，我哋就點咗幾款食泰菜必食嘅▶️鮮菠蘿海鮮炒飯 - 以原隻鮮菠蘿上，好有誠意，而飯同海鮮份量都非常足夠，味道亦非常惹味，必食之選！▶️泰式煎蠔餅 - 用了蠔仔加上大量芽菜，煎得香脆惹味▶️泰式燒鮮魷 - 以原條鮮魷魚烤熟，頗有誠意，再切成魷魚圈，份量頗多▶️泰式紅咖喱牛腩 - 咖喱汁以椰漿與咖哩醬煮成，不太辣之餘亦食得出啖啖椰香，另外牛腩份量都好多▶️炸蝦片 - 食店為每枱客人免費奉上，香脆可口，食不停口！總結：食物質素好，價錢合理，餐廳環境舒適，而店員服務亦有水準，值得推介嘅一間泰國菜館