醉串 (已結業)

環境：裝修普通，唔係好有居酒屋嘅感覺。而且日式韓式嘅食物都有，咁即係你專門邊樣呢？厚切牛脷串燒：估唔到厚切都可以咁淋！一咬即刻咬得開，配合少少鹽調味，可謂一絕，一人一串都唔夠！餃子雞翼： 由於釀咗餃子喺入面，所以隻雞翼漲卜卜，好吸引要即刻食。點知就好熱，差啲辣親！咬開啲肉汁就流出嚟，好juicy而雞翼又脆口，好惹味！雞腎：妄想用牙扯佢出嚟，扯到牙都差啲甩，心諗唉呢個應該係全晚最差嘅食物喇，點知咬落先知哇好爽脆！真係唔放落口都唔知你禾稈噤珍珠！雞翼：好似餃子雞翼咁，外脆內軟，入面嘅肉汁被鎖住，另一惹味嘅食物，一定要再encore！唯一可惜嘅係，點解夜晚得好細碗嘅凍烏冬或湯烏冬揀？Lunch就有牛肉豬肉海鮮等烏冬。雖然串燒店係應該食串燒，但如果有啲大碗嘅熱食例如飯烏冬等會更好。但整體嚟講係抵食嘅！