Monster Burger (已結業)

近年開左幾間以 monster 為名既食肆，表表者當然係吳生有份投資既 Monster Sushi，Monster Burger 跟前者沒有關係，賣的是近年飲食潮流焦點 - Burger，今早見有時間決定一試究竟早餐時段只有四款選擇，點了簡單的芝士豬柳包，配上 Latte ($25)。麵包可以揀提子包、五穀包或漢堡包，我選了後者，食物即叫即製，值得一讚! 芝士豬柳包，豬柳雖只是一般雪藏貨色，亦不起眼，但煎得香口兼恰到好處，不油不膩，配上兩片蕃茄、芝士、生菜這些必備的配角，或者未算是頂級享受，但已足以大比數擊敗某些老牌美式漢堡店了! 至於 Latte，沒有起泡，奶味如可再濃多一點會更好，但作為一個醒神早餐，確是做對了本份!相比起一個超過 $50 的 lunch set，以 $25 的早餐作為新店試金石，十分化算，第一印象不算驚為天人，但也沒令人失望，下次可以再試試其出名的一寸手打牛肉芝士漢堡吧