影片
更多
2022-08-10
1418 瀏覽
呢間餐廳主打中西fusion菜，將亞洲風格融入西式菜式，幾有創意又唔係過分花巧，我鍾意佢踏實嘅風格，而且價錢親民，一個午餐都係三百幾蚊，性價比完勝。首先送上嘅係小法包，冇乜特別，不過佢嘅紫菜豉油牛油真係好有亞洲風味，而且紫菜味非常突出，好有噱頭。頭盤可以二選一，分別有吞拿魚他他同埋醉雞捲。先講醉雞捲，雞應該係用雪藏雞，唯一敗筆係食到有雪藏味，不過佢嘅花雕杞子係以啫喱形式呈上，好有特色。第二個頭盤係吞拿魚他他，加上麻油吊味，仲有薑葱伴碟，味道非常得人中意。蘑菇湯係佢第二個頭盤，蘑菇湯除咗用西式蘑菇之外更加有冬菇，加上白松露油，好飲！主菜三選一，分別有西冷，日本豬柳，同埋Barramundi 。西冷牛肉味濃郁，伴碟配有花椒汁，白萵筍亦都非常特別，成個dish非常惹味。日本豬柳略嫌比較肥美，不過佢嘅side dish非常出色，除咗有椰菜仔之外，更加有西蘭花蓉，蘆筍，柚子gravy ，beetroot汁等等，好有驚喜。慢煮barramundi，睇落雖然冇乜特色，但係本人覺得係三個主菜中最出色嘅一個，魚肉非常嫩滑。總括而言，呢間餐廳真係好有驚喜，中西合璧得恰到好處，每張食材都恰如其分，可以充分欣
首先送上嘅係小法包，冇乜特別，不過佢嘅紫菜豉油牛油真係好有亞洲風味，而且紫菜味非常突出，好有噱頭。
頭盤可以二選一，分別有吞拿魚他他同埋醉雞捲。先講醉雞捲，雞應該係用雪藏雞，唯一敗筆係食到有雪藏味，不過佢嘅花雕杞子係以啫喱形式呈上，好有特色。
第二個頭盤係吞拿魚他他，加上麻油吊味，仲有薑葱伴碟，味道非常得人中意。
蘑菇湯係佢第二個頭盤，蘑菇湯除咗用西式蘑菇之外更加有冬菇，加上白松露油，好飲！
主菜三選一，分別有西冷，日本豬柳，同埋Barramundi 。
西冷牛肉味濃郁，伴碟配有花椒汁，白萵筍亦都非常特別，成個dish非常惹味。
日本豬柳略嫌比較肥美，不過佢嘅side dish非常出色，除咗有椰菜仔之外，更加有西蘭花蓉，蘆筍，柚子gravy ，beetroot汁等等，好有驚喜。
慢煮barramundi，睇落雖然冇乜特色，但係本人覺得係三個主菜中最出色嘅一個，魚肉非常嫩滑。
總括而言，呢間餐廳真係好有驚喜，中西合璧得恰到好處，每張食材都恰如其分，可以充分欣賞到佢哋食材嘅特色之處，互相輝映。
張貼
