影片
更多
2022-09-24
1446 瀏覽
極度不愉快既經歷經app叫外賣自取，顯示12:26可取餐。準時落到去話未有，咁心諗都係等一陣啦。聽到其他人張訂單早我十零張，都重等緊，咁我出去兜個圈再返黎。10分鐘之後返黎，一問又係未得，再等等。見到頭先前面班人重係度，開始覺得唔對路。聽到有位師兄話12點落既單都未有，開始投訴。於是同平台客服講，佢話幫手查詢下。間舖就愈黎愈多人叫外賣，個收銀就一味叫人等，重話好多單出緊。無意間聽到個收銀阿姐講電話，應該係平台客服，佢對住客服講x015之後既單全部出唔到收唔到啊！我心諗，我個號碼咁岩係呢個後兩個。即時再同平台客服講取消訂單，呢個時候已經講緊12:55分，我已經係間舖等左半個鐘。同阿姐再問，阿姐一味叫你等，重話好多單。個平台客服又話餐廳唔俾取消單，唔俾退款。同一時間已經幾位師兄同阿姐嘈緊(佢地個訂單早我十幾個號碼)我即時再嘈個平台客服，講返話餐廳完全收唔到訂單，一定要退款。又搞左十分鐘，先真正取消單。我後面聽到重有d單係遲我20個號碼既，我真係只能心裡祝福佢，我肚餓，拿拿臨走求其食野算。其實成件事就好簡單，阿餐廳你忙咪唔好接咁多單囉。好啦，接完單遲少少出到都唔緊要。點知由頭到尾，張單根本無
經app叫外賣自取，顯示12:26可取餐。
準時落到去話未有，咁心諗都係等一陣啦。聽到其他人張訂單早我十零張，都重等緊，咁我出去兜個圈再返黎。
10分鐘之後返黎，一問又係未得，再等等。見到頭先前面班人重係度，開始覺得唔對路。聽到有位師兄話12點落既單都未有，開始投訴。
於是同平台客服講，佢話幫手查詢下。間舖就愈黎愈多人叫外賣，個收銀就一味叫人等，重話好多單出緊。
無意間聽到個收銀阿姐講電話，應該係平台客服，佢對住客服講x015之後既單全部出唔到收唔到啊！我心諗，我個號碼咁岩係呢個後兩個。即時再同平台客服講取消訂單，呢個時候已經講緊12:55分，我已經係間舖等左半個鐘。
同阿姐再問，阿姐一味叫你等，重話好多單。個平台客服又話餐廳唔俾取消單，唔俾退款。同一時間已經幾位師兄同阿姐嘈緊(佢地個訂單早我十幾個號碼)
我即時再嘈個平台客服，講返話餐廳完全收唔到訂單，一定要退款。又搞左十分鐘，先真正取消單。我後面聽到重有d單係遲我20個號碼既，我真係只能心裡祝福佢，我肚餓，拿拿臨走求其食野算。
其實成件事就好簡單，阿餐廳你忙咪唔好接咁多單囉。好啦，接完單遲少少出到都唔緊要。點知由頭到尾，張單根本無接過，d 人問就一味叫人等。系統唔掂又唔早d出聲，你知出左事，d 人一問你即刻叫人取消都無咁燥，有d人等成個鐘都未有餐。
我就唔知間野好唔好食，不過我就以後都唔再食啦。又咁講，間野咁忙，可能佢都唔希罕我呢個客仔呢=]
張貼