回到味來 (已結業)

係信和隔離嘅旺角新城，原來都有好多食飯options ，係門口嘅廣告見到呢間有“惡魔雞煲”，就吸引左黎食。餐廳整體用餐環境、氣氛都幾舒服，就算兩個人都係坐四人卡位。兩個人叫左半隻雞嘅 惡魔雞煲，揀左小惡魔，即係少辣。如果食得辣嘅，星期日至四黎，可以揀中惡魔或者大惡魔，會有全單九折、或者八折。 雞煲味道唔錯，值得再食。另外仲加左 回到味來手打牛拼盤 打邊爐，有牛肉丸、牛筋丸同埋牛肉餅，牛味十足，丸類仲好彈牙，因為係用100%純牛肉。