自煮食材 (已結業)

入左長洲hea,一早睇左食評比呢度既菜式吸引因為2點幾先入到黎,所以都怕"叫乜無乜"既情況(參考左之前食評)地方都幾易搵,呢個時間可能過左Lunch time所以入去就有位,等都唔駛等!叫左份2人set,揀左馬蹄腸,羊鞍4件同自選意粉/飯一客(揀左卡邦尼意粉)staff都好親切呀^^等左唔係好耐就有野食喇!先黎既係馬蹄腸第一啖食落去覺得無咩特別,但食多幾啖就愈食愈覺好食!裡面仲有芝士,好juice!正正~不過一個馬蹄型2個人唔太夠喉呢,嘻~跟住黎既係4件羊鞍!哇~件件都份量十足慶幸我和男友都食羊,羊鞍唔太so!我食野比較咸隨身都帶包塩出街,個人覺得點少許塩味道更好...但點那綠色既醬都好清新好味!最後黎既係卡邦尼意粉!以前我都只會叫肉醬類既紅色意粉呢湯都比較中意飲紅湯,但最近口味都變了突然鐘情忌廉類!!!卡邦尼變成首選,2人份量好足夠!味道岩晒我~夠味就算一邊話飽一邊仲叉緊D意粉食...食完先記得,唔記得問下有無芝士粉~haha一邊等食時見到對面舖有隻超可愛既貓咪~原來對面既舖位都係呢間食店的!貓咪做左可愛既招財貓!好開心揀左呢間食店,下次黎長洲都會再試其他希望繼續努力!