影片
更多
2007-04-12
下午到銀行做匯票,等候期間四處遊蕩,先到書局買下書,再到呢度食個tea。乳酪雪糕加生果(芒果、奇異果、西瓜、蜜柑、星星米),幾款生果都好清甜,又以芒果最好味!星星米脆卜卜,增加口感,正!!而且又擺得幾靚,星星散落白色雪糕上面,外型夠吸引。乳酪雪糕味道真係幾特別,可能以為會似7仔軟雪糕,原來唔係!食落似芝士味又唔太甜,質感又夠軟滑,齋食都已經好得,加上生果更加得,我鐘意!!如果店員妹妹唧雪糕時,可以整到中間部份都有就好喇!因為而家係中空,為食的我會覺得食多兩啖會滿足d。兩位店員妹妹都算有禮貌,客人離開都有講byebye。只係落單似乎要留心一d,例如我想要朱古力波波,但最後變成蜜柑lu。一路食雪糕一路睇書,真舒服!唔太想返公司做野呢!!
乳酪雪糕加生果(芒果、奇異果、西瓜、蜜柑、星星米),幾款生果都好清甜,又以芒果最好味!星星米脆卜卜,增加口感,正!!而且又擺得幾靚,星星散落白色雪糕上面,外型夠吸引。
乳酪雪糕味道真係幾特別,可能以為會似7仔軟雪糕,原來唔係!食落似芝士味又唔太甜,質感又夠軟滑,齋食都已經好得,加上生果更加得,我鐘意!!
如果店員妹妹唧雪糕時,可以整到中間部份都有就好喇!因為而家係中空,為食的我會覺得食多兩啖會滿足d。
兩位店員妹妹都算有禮貌,客人離開都有講byebye。只係落單似乎要留心一d,例如我想要朱古力波波,但最後變成蜜柑lu。
一路食雪糕一路睇書,真舒服!唔太想返公司做野呢!!
張貼
