響日本燒肉 (已結業)

呢日亞女攞咗假要出銅鑼灣辦點事，辦完事又難得閒日，於是就搵間燒肉放題慢慢嘆吓餐廳主打120分鐘任食美國同澳洲和牛燒肉放題，提供四款套餐選擇，豐儉由人海鮮頭盤每枱都會先送上刺身拼盤，包括有帶子、八瓜魚、油甘魚、劍魚腩、北寄貝、三文魚、甜蝦同生蠔，味道鮮甜無雪味，但注意只有三文魚、劍魚腩、北寄貝同八瓜魚可以任意追加我哋叫咗七十八品料理，店員會先送上一盤料理裡面主打的肉類，例如澳洲和牛肉眼、和牛西冷、和牛胸腹同其他肉類，等我哋試吓邊款好味再追加原件薄切美國肉眼扒好大塊，油脂甘香，肉質鬆化厚切牛舌喺我至愛，有咬口又無臊味；澳洲和牛肉眼同和牛西冷同樣出色，油脂密佈，肉質軟腍又唔韌薄燒澳洲和牛牛肋肉，牛肋肉油脂豐腴甘香，食時蘸點醬油蛋黃可減低油膩感仲叫咗大蝦、南瓜、蕃薯、冬菇同茄子天婦羅，全部都喺新鮮即炸上枱，入口熱辣酥脆最後食得太多肉覺得有點膩就點咗個清湯豆腐鍋消消滯亞女就點咗個泡菜雜菌鍋，話刺激吓味蕾準備再戰甜品雪糕有三大品牌，不過淨喺食呢個品牌都夠晒啦飲品都有好多種類選擇，全部任飲不過想飲酒的話加$48就可以任飲啤酒、紅酒、白酒、日本清酒、梅酒同柚子酒