Espuma (H8) (已易手) 新餐廳

呢間係樓上鋪黎嘅，簡約裝修風格，對於情侶、姐妹小聚聊天或者一個人想靜靜地坐嘆下午茶，都係個唔錯嘅選擇。流心軟芝士麻糬厚鬆餅，見到menu上面咁大個圖，好吸引，我諗呢個都算係招牌甜品，忍唔住點左一個。味道偏淡，呢個餅有啲名過於實，完全唔流心，芝士味亦不足。焦糖單骨雞翼香甜嘅焦糖包裹住雞翼，雞皮少少脆好香加上甜甜的糖，係個不錯的小食，要注意上菜之後快啲食，凍左的話啲糖會硬。香煎帶子配牛油果醬芒果及莎莎帶子鮮甜，不過加埋啲牛油果就唔係好夾，加埋下面嘅芒果就更奇怪。飲品叫水蜜桃茶，清淡嘅水蜜桃味，幾清新，而且下面有個小火keep住茶嘅溫度，感覺不錯。整體黎講，環境悠閒，坐得舒適，不過食物質素就還好。