白宮冰室 (已結業)

忽發雅興，放縱一下想吃個下午茶。唔想太過擠擁，想舒舒服服嘆一下。於是揸住本書，穿對拖鞋就走咗落嚟...西多士加茶走，卡路里多到爆燈，想一想，都頗久未試過咁放肆。但再諗深一層，又唔係每日都食，偶而放縱一下，斷估都唔會死人啩 ?西多即叫即做，炸得呈金黃色，極度靚仔；麵包軟熟，邊位弄得有點微脆，加上牛油及糖漿，一大pat放入口，罪惡感之中卻帶着無限滿足...貪心一點，花生醬如果可以再多D就無得頂...茶走亳無茶澀味，又夠滑溜；掛杯效果立見。的確係一杯出類拔萃嘅西冷紅茶...邊食邊睇書，懶洋洋又一day....