宏 (已搬遷) 新店位置

一個人行街行到攰攰地，四點幾打算食個tea，點知俾個吞拿魚蓉飯吸引左，叫左個迷你三彩定食，當食個早飯啦。個定食有一碗幾有誠意嘅吞拿魚蓉飯，第一啖魚油嘅香氣配上日本米嘅煙un，已經食到想跳開心舞，奈何獨自一人，將開心嘅情緒壓抑下去；鰻魚飯就麻麻地，鰻魚竟然係乾乾地，有點失望；海藻麵質地滑滑地配上鰹魚湯少少昆布，好日式嘅味道。最後送上一杯茶包嘅茶同綠茶蛋糕卷，茶無咩特別，蛋糕有蛋味，但忌廉過於厚實，綠茶味唔夠濃。