荷華庭園景餐廳 (已易手) 新餐廳

香港地人多車多，四週圍都好迫人，想週日遠離塵囂「偷得浮生半日閒」，不妨試下黎大埔林村附近嘅荷華庭園景餐廳，位處吐露港公路大埔北出口附近，駕車的話尚算方便。呢度園林景緻宜人，歐陸式花園裡仲有唔同特式廂房，真係「冇得傾」環境一定係五星。老婆最喜歡呢棵「心心樹」😍，有情人眼裡先睇得出架！今日「風和日麗」兼「萬里無雲」，緊係要坐Outdoor同陽光玩遊戲啦，旁邊有個荷花池，若然超級怕蚊叮蟲咬就要搽定蚊怕水。頭盤係西班牙火腿拼蜜瓜鹹香的西班牙風乾火腿加清甜的蜜瓜簡直係絕配。燒安格斯肉眼扒（$238）塊肉眼扒有幾大「有辦你睇」，岩岩好唔咪太厚，猛火辣一辣兩面肉汁仍然鎖响入面，加少少salt & pepper，食出最原始的肉味。扒三文魚（$238）原塊三文魚扒慢火煎香，外皮香脆內裡肉質保持鮮嫩，真材實料沒有太多花巧，加埋特制的他他汁簡單又健康！飲品方面加$30可以配埋餐酒，但由於要揸車就點左兩杯無酒精成分的特飲。