Appendix Coffee & Bar (已結業)

同女友day off 就去左銅鑼灣行下街食下野。呢間餐廳都係朋友推薦我地黎既。Appendix coffee & bar 環境真係好舒服。間格都幾有私人空間，唔駛驚同人你眼望我眼。女友好鐘意呢個蘑菇湯，飲落菇味香濃 ，而且仲食到一粒粒極細既蘑菇粒。正！ Honey Roasted Spring Chicken燒春雞既蜜糖味好香，而且好有層次。食落就知餐廳既用心。燒春雞肉質頗嫩，份量就唔算好大，不過都夠食。當中既烤蔬菜我就幾欣賞啦。蔬菜有薯仔,紅蘿蔔等，每款蔬菜都好新鮮，用上烤既方法增添了蔬菜既香口同時又能保持到蔬菜既營養。意粉係芝士肉醬意粉分量都幾足，岩曬我。食過好濃蕃茄醬同小蕃茄味。當中既芝士唔算太多，但勝在味濃。配上肉醬真係一流！而且肉醬料分量好足，真係啖啖肉醬呀！女友就鐘意飲花茶，點了杯洋金菊。而我就比較鐘意呢度既朱古力，味道香甜又重朱古力味。正！ 行開呢頭都好值得再黎呢度relax下。